ساعات

ساعات بقول انى نسيتك وبحب غيرك وساعات اقول سبتنى وشافت غيرى
الاقى قلبى يرجعنى ليكى وعيونى بتحاول بس مش شايفه غيرك
اعمل ايه فى قلبى ماهو اللى حبك ومش قادر يسيبك
زمان اتلاقينا وويا بعض حبينا وحلمنا بالايام مش حاسين بغدرها وايه اللى مخبياه
وحلمنا بكل كلمة نقولها وتحسها قلوبنا ورسمنا من الايام نهر حب نرمى فيه همومنا
وعرفت النهايه بسفرك وغربتك عنى وقولتى مش بايدك طب اعمل ايه ماهو برضه مش بايدى
عنيا بكت عايزاكى تفضلى ودموعك خلتنى انسان تانى مش عايز يعيش
كلى ملكك خليكى ملكى وابعدينا عن الناس ابعدينى وضمينى حسسينى بالامان
لمسه واحده باديكى كانت كل الدنيا ليا بس الدنيا حلفت علينا بالبعاد
بشوف جديد وجديد بس مش قادر انسى نظرتك ليا وخوفك عليا ما انتى كنتى هوايا اللى بعيش عليه
وحدانى مش لاقى طريق ولا ونس غير زكراكى هتفضل دايما فى قلبى وهعيش عليها
حتى لو فى موتى هيكون اسمك على لسانى لان اسمك هو راحتى وهو حياتى